Portieri i famshëm që pësoi gol duke pirë ujë: Mavraj, futbollisti më i mirë me të cilin kam luajtur!

Portieri i njohur holandez Mark Flekken, disa javë më parë u bë i famshëm, pasi pësoi një gol qesharakë duke pirë ujë në ndeshjen ndaj Bajern Leverkusen. Tashmë dhe interesimi i mediave për të është shtuar, teksa në një prononcim të dhënë për  “football-oranje” ka thënë se Mërgim Mavraj është futbollisti më i mirë me të cilin ka luajtur. Ai është mahnitur në periudhën që ai luante bashkë me të te Greuther Furthi.

“Cili është lojtari më i mirë me të cilin ti ke luajtur në karrierë? Kam luajtur me shumë lojtarë të mirë në karrierën time. Kur isha në vitin e parë në Gjermani, te ekipi i Greuther Furthit, luaja mbrapa Mërgim Mavrajt, i cili ishte mbrojtës qendre. Ai tani është zv/kapiten i Hamburgut. Më ka pëlqyer shumë si lojtar, ka cilësi të mrekullueshme”, ka thënë Flekken.