Prapaskena/ Alexis Sanchez i vet-ofrohet Real Madridit

Real Madrid ka filluar që të mendojë që tani për një sulmues të ri, teksa së fundmi ka dalë në skenë edh emri i Alexis Sanchez. Fernando Felicevich, agjenti i kilianit i ka vet-ofruar futbollistin, i cili nuk po arrin që të tregojë vlerat e tij te skuadra e Manchester United.

Në listën e emrave të mundshëm në merkato janë edhe Mauro Icardi, i cili do të ishte një sulmues perfekt për skemat e trajnerit të ri, Solari. Sa i përket Sanchez, ai përfiton 23 milionë euro në sezon. Në të kaluarën ai ka qenë pjesë e ekipit të Barcelonës, ku shënoi 47 gola në 141 ndeshje.

Këtë sezon, ai ka shënuar vetëm një gol dhe ka dhuruar dy asist, shifra që mund të sjellin edhe uljen drastike të pagës, por do të ketë mundësinë për të qenë pjesë e një prej ekipeve më të mëdha në botë. /Koha Jone/