Prapaskenat/ Panucci udhëtoi në Itali për të takuar “tradhtarin” Dermaku

Christian Panucci publikoi listën me futbollistët që do të grumbullojë për ndeshjen miqësore ndaj Jordanisë dhe atë të Ligës së Kombeve ndaj Izraelit. Në listën me 25 futbollistë, binte në sy mbrojtësi nga Kosova, Kastriot Dermaku i cili në dy takimet e para të Ligës së Kombeve, ishte pjesë e Përfaqësueses së Kosovës. Si në ndeshjen ndaj Azerbajxhanit ashtu edhe në atë ndaj Ishujve Faroe, ai ishte në stol.

Mediat italiane, bëjnë me dije se Panucci kishte udhëtuar drejt Italisë vetëm një javë më parë për të ndjekur nga afër mbrojtësin e Cosenza-s në transfertën ndaj Cremonezes. Paraqitje e Dermakut e ka bindur trajnerin që ta thërrasë në Kombëtare për dy takimet e ardhshme.

Në këtë mënyrë ai mund të debutojë ndaj Jordanisë ose Izraelit, ndërkohë që në Kosovë e kanë cilësuar si tradhtar.