Premier League/ Fitojnë United dhe Chelsea, ngecin City dhe Liverpooli (VIDEO)

Manchester United është rikthyer bindshëm me një fitore spektakolare 3-0 ndaj Tottenhamit. Skuadra e Solskjaer triumfoi me lehtësi falë golave të Ronaldos në pjesën e parë dhe të Cavanit e Rashford në 45 minutat e dyta. Në këtë mënyrë më në fund ka lajme të mira për strategun norvegjez që ishte pranë shkarkimit.

Më herët Chelsea mundi 3-0 Neëcastle në fushën e kësaj të fundit, duke siguruar fitoren e katërt radhazi në kampionat, dhe duke u shkëputur me 3 pikë nga vendi i dytë në krye të renditjes se Premier League. Dy gola nga mbrojtësi i krahut James, në të 65’ dhe 77’, si dhe një penallti e kampionit të Europës Jorginho në të 81’, i dhanë londinezëve rezultatin pozitiv.

City u mund 0-2 në fushën e tij nga Crystal Palace, me gola të Zaha 6’, Gallagher 88’. Kjo ishte humbja e dytë në kampionat për skuadrën e Pep Guardiola-s.

Liverpooli nuk shkoi më shumë se një barazim 2-2 ndaj Brighton. Pasi kaloi në epërsi të dy golave pas vetëm 24 minutash lojë, falë Henderson dhe Mane, u barazua nga Brighton me gola të Mwepu në 41’ dhe Lampetu në 66’, duke lënë dy pikë tepër të vlefshme ndaj një rivali modest.