Presidenti i Chelsea-t i çon në kamp nazistë tifozët problematik të Chelsea-t

Chelsea nuk do t’i dënojë tifozët e tij racistë. Klubi londinez ka vendosur t’i dërgojë ata në një udhëtim në Poloni, te kampi i përqendrimit nazist, Auschwitz. Iniciativa është marrë nga presidenti i klubit Roman Abramovich.

Chelsea kërkon që tifozët problematikë të përballen me disa të vërteta të dhimbshme të së kaluarës dhe jo vetëm  të dënohen për sjellje të keqe në stadium. “Nëse  thjesht i largon nga stadiumi ata sërish do të sillen ashtu si dinë “, ka thënë Brouce Buck.

Blutë e Londrës patën probleme me fansat e tyre anti-semitikë në përballjen me Tottenham sezonin e kaluar. Nisma është përshëndetur  nga Kongresi Botëror i Hebrenjëve, shoqata e bamirësisë ”Holocaust Education Trust” dhe shkolla hebraike në Londër.