Presidenti i Steaua Bukureshtit bën ‘kurban’ Qakën, e përjashton nga ekipi

Eliminimi në fazën “play-off” të “Europa League” ka bërë që presidenti i klubit të Steaua Bukuresht të kërkojë koka futbollistësh.

I pari në listë është Kamer Qaka, mesfushori i kombëtares shqiptare që gjatë verës u ble nga Poli Iasi për 400 miojë euro. Edhe pse kishte shumë besim te ai duke i firmosur një kontratë 5-vjeçare me 20 mln euro klauzolë, presidenti Gigi Becali është shprehur:

“Ia dhashë Qakën Poli Iasi-t, por ai refuzon të shkojë. I thashë që është jashtë liste, nuk është më pjesë e klubit tonë, ndaj duhet të shkojë, nuk ka ç’të bëjë.”

Këtë sezon Qaka luajti 7 ndeshje për FCSB, 5 në kampionat e 2 në Europa League, por mesa duket presidenti i Steauas pretendonte se kishte Iniestën në skuadër.