Presidenti i UEFA injoron sërish VAR: Nuk do të përdoret në Champions!

UEFA nuk ka ndërmend që të implementojë VAR-in në Champions League. Ditët e fundit është përfolur shumë për futjen e teknologjisë duke filluar nga faza çerekfinale, por mesa duket ka qenë vetëm një hipotezë.

Vetë kreu i UEFA-s, Aleksander Ceferin mohoi këtë lajm, duke theksuar se nuk e di nga është origjina e tij, por se qeveria europiane e futbollit nuk ka ndërmend të aplikojë në këto momente VAR-in.

“Nuk e di nga vijnë këto lajme, por e vërteta është që UEFA nuk ka ndërmend të aplikojë VAR-in në çerekfinalet e këtij sezoni të Champions dhe Europa League. Akoma nuk më bind kjo teknologji dhe duhet ende të sqarohen shumë detaje. Asistentët në Kupën e Botës nuk bënin asgjë, thjeshtë prisnin. Shikoni rastin e Serbisë kur nuk është akorduar një penallti e qartë, ndërkohë që gjatë Botëtorit jaën dhënë penallti për faulle më të lehta.”, tha Ceferin në një intervistë për mediat sllovene.

Kreu i UEFA-s e pranoi se VAR do të aplikohet një ditë edhe në Europë, por theksoi se deri atëherë duhen sqaruar disa teknikalitete, për të mos qenë më eksperimental.