PSG fiton me “poker” ndaj Saint Etienne, edhe pse pa Neymar- Mbappe (VIDEO)

PSG nuk njeh rival në Ligue 1 në Francë Kryeqytetasit shkatërruan 4-0 Saint Etienne në “Parc des Princes” edhe pse ishin pa “yjet” e tyre Neymar dhe Mbappe.

Serinë e golave e hapi Julian Draxler në minutën e 22-të, pas një koordinimi fantastik, i shërbyer nga Marco Verrati. Në fillim të pjesës së dytë parizienët fituan një 11-metërsh që u shndërrua në gol nga Edinson Cavani, ndërsa për të kompletuar fitoren e thellë të vendasve shënuan edhe Di Maria dhe Dyabi.

Më këtë sukses, formacioni i Thomas Tuchel ngjitet në kuotën e 15 pikëve, me 5 fitore në po kaq ndeshje, ndërsa Saint Etienne pësoi disfatën e parë në kampionat pas një fitoreje dhe tre barazimeve radhazi.