PSG s’di të ndalet në Francë, i falet Nejmarit ndaj Toluzës (VIDEO)

PSG nuk di të ndalet në Francë. Skuadra franceze i është falur një goli të shënuar nga Nejmar për të marrë 3 pikët e radhës ndaj Toluzës, dhe për të blinduar vendin e parë.

Parisi vuajti më shumë se zakonisht në gjetjen e fitores dhe pati nevojë për golin e Nejmar që të merrte te pikët. Braziliani, i shërbyer nga Angel Di Maria, tundi rrjetën pasi lëvizi bukur në zonën mike dhe tani është dy gola larg nga Edinson Kavani, shoku i skuadrës që është golashënuesi më i mirë i Ligue 1. Braziliani ka shënuar 19 gola dhe ka dhuruar 11 asiste deri më tani në kampionat.

PSG ka 13 pikë më shumë se Marsejë e vendit të dytë, që barazoi 2-2 ndaj Saint Etien.