PSG surprizon Realin, bën gati super ofertën për të rrëmbyer Hazard

PSG është gati për të hyrë në garë me Real Madrid për të “rrëmbyer” nga Chelsea Eden Hazard, kontrata e të cilit me “blutë” e Londrës skadon në verën e vitit 2020. Fantazisti belg ka ende edhe 18 muaj për të vendosur për të ardhmen e tij dhe duket se oferta prej 300 mijë stërlinash në javë që i ofron Chelsea nuk e josh shumë.

Drejtuesit e PSG-së e admirojnë talentin belg dhe janë gati të bëjnë çmendurinë për ta sjellë atë në Francë, pavarësisht problemeve të shpeshta që kanë me “fair play financiar”. Menaxheri i Eden Hazard është vazhdimisht në kontakt si me lojtarin ashtu dhe me drejtuesit e Chelsea, apo me ekipet më të mëdha në Europë, që synojnë ta afrojnë në verën e vitit 2020.

Reali eshtë ekipi më favorizuar duke u nisur nga dëshira e vetë belgut, po nuk përjashtohet as mundësia që ta shohim te City-i i Guardiolës.