Qeveria italiane mund të shtrëngojë masat për hyrjen në stadiume

Qeveria italiane po përgatit një shtrëngim të situatës në lidhje me Green Pass, në rast se infeksionet vazhdojnë të rriten. Vendimi do të merret të premten e ardhshme, kur monitorimi javor i ISS do të komunikojë indeksin Rt, një nga treguesit për vlerësimin e rritjes së rasteve me Covid.

Nismat e para do të kishin të bënin me një shtrëngim të kushteve për marrjen e certifikatës së gjelbër dhe sektorin e stadiumit që mund të rezervohet vetëm për personat e vaksinuar. Leja e gjelbër do të lëshohej, për kinematë, teatrot, stadiumet, baret dhe restorantet, vetëm për ata që kanë përfunduar ciklin e vaksinimit dhe për ata që janë shëruar jo më shumë se para gjashtë muajve, duke përjashtuar kështu tamponin, si të shpejtë ashtu edhe molekular.