Vëllai i Tefik Osmanit dërgohet me helikopter në Tiranë

Vëllai i futbollistit të Skënderbeut, Tefik Osmani është transportuar në spitalin e Traumës në Tiranë, për mjekim më të specializuar.

Para pak minutash është nisur nga Korça helikopteri që ka marrë vëllanë e futbollistit Tefik Osmani, Sokolin, për ta çuar në kryeqytet për një kontroll më të specializuar. Duhet thënë se gjendja e tij është nën kontroll, por për më shumë siguri u vendos që vëllai i futbollistit të shkojë në Tiranë.

Sokol Osmani u rrëzua nga tribuna mbrëmjen e djeshme gjatë ndeshjes mes Skënderbeut dhe Flamurtarit. Gjithçka ndodhi pas golit që shënoi në portën e Flamurtarit Muzaka, në minutën e 83-të ndeshjes. Për shkak të goditjes së marrë, ai  ka pësuar dëmtime në tru.