Real Madrid me stadiumin më të mirë në botë, ja renditja e plotë

Real Madrid ka kaluar një sezon të tmerrshëm, por kanë edhe ata arsyet e tyre për t’u ndierë krenarë me diçka, pasi u shpallën si marka më e vlefshme në botën e futbollit. “Los Blancos” gjithashtu kanë stadiumin më të mirë në botë, “Santiago Bernabeo”, duke kaluar edhe stadiumin e ri të “Tottenham Hotspur”.

“Bernabeo” mori një vlerësim prej 74.3 pikësh, teksa janë marrë nën shqyrtim tre aspekte: Përvoja e ditës së ndeshjes, ndikimi te transmetuesit dhe impakti i ndeshjes. Menjëherë pas tyre është Borussia Dortmund me 72.3, me “Iduna Park” që ofron në çdo ndeshje një atmosferë spektakolare.

Bayern Munich renditet në vendin e tretë me një vlerësim 71.6 ndërkohë që impianti i ri i Tottenham renditet në vendin e katërt, edhe pse është ndër më luksozët në botë. Impakti i ulët deri tani në sfidat e “Spursave” ka bërë që të ketë këtë gjykim. Interesant është fakti që në 10-shen më të mirë zënë vend edhe dy ekipet e Milanos, me Interin në vendin e 8-të, dhe Milan në të 9-in. /R.Lika-Koha Jone/