Real Madrid ofron dy yje për të rrëmbyer Pogba nga United

Real Madridi ka nisur punën për t’u përforcuar për sezonin e ardhshëm. Rikthimi i trajnerit Zinedine Zidane ka bërë që presidenti Florentino Perez të lëshojë një çek të bardhë në merkato.

Numri një i stolit do me patjetër Paul Pogba. Mesfushori i United është gati për të lënë “Old Trafford” dhe për t’iu bashkuar bashkëkombësit të tij. Mediat në Angli kanë dalë me hipotezat se ekipi spanjoll është gati të heqë dorë nga Gareth Bale dhe Raphael Varane për kampionin e botës.

Një shkëmbim i tillë do të ishte një çmenduri, por i sigurt është fakti se uellsiani dhe francezi kanë shprehur dëshirën për të lënë “Santiago Bernabeun” në fund të sezonit. Pogba nga krahu tjetër ka prishur marrëdhëniet me klubin, pasi kërkon rritje rroge dhe e gjithë situata e tij duket e planifikuar për t’u larguar