Reali, 124 milionë euro të shpenzuara për futbollistë që “ngrohin” stolin

Real Madrid ka investuar 124 milionë euro këtë verë për futbollistë të cilët ende nuk janë aktivizuar.  Courtois, 35 milionë euro tek Chelsea; Odriozola , 35 të tjerë te Real Sociedad; Lunin, 9 te Zorya, dhe  Rodrygo, 45 milionë euro të derdhur në arkat e Santosit. Këto janë investimet e madrilenëve gjatë kësaj vere, teksa gjysma e tyre nuk do të kenë hapësira.

Reali vijon të ruajë një profil të një skuadre të kujdesshme në merkato, që investon më shumë për të ardhmen, edhe pse ka pasur mundësi për të bërë goditje të rëndësishme pas shitjes së Ronaldos për 112 milionë euro dhe të huazimit të Theos, Kovacic dhe Achraf.

Mbetet të shohim se cila do të jetë strategjia e trajnerit Lopetegui për blerjet e reja. /Koha Jonë/