Reali bën gati revolucionin, kërkon dy yjet e Seria A në verë

Reali i Madridit po mendon për të afruar Sergej Milinkoviç Saviç. Sipas gazetës “Marca”, mesfushori lacial ka përfunduar në listën e presidentit Peres, i cili po bën gati revolucionin në merkato e verës, teksa pjesë e saj është edhe Kieza i Fiorentinës.

“Los Blancos” kanë dërguar emisarë në Itali për të vëzhguar dy nga lojtarët më interesantë. Për këto dy talente janë në garë edhe Napoli, Interi e Juventusi por tashmë duhet të llogarisin edhe konkurrencën me Real Madrid.

Për kartonin e Kiezës, Fiorentina kërkon minimalisht 40 milionë euro, ndërsa për Milinkoviç është më e vështirë të negociohet me Lotiton pasi sipas këtij të fundit në verë janë refuzuar 70 milionë euro për fantazistin serb.