Reali i prish ëndrrën Interit, rinovon me Luka Modric

Po përflitet për revolucion, por te Real Madrid po mendojnë edhe për konfirmime. Pas Toni Kroos dhe Nacho Hernandez, sipas sajtit të njohur spanjoll “Marca”, në orët e ardhshme, do të jetë radha e Luka Modric për të firmosur kontratë e ri.

Një zgjatje kontrate në mënyrë automatike. Sajti madrilen, në fakt, shpjegon që akordi për kontratën deri në vitin 2020, ka edhe një pikë, ku parashikon zgjatjen edhe për një tjetër sezon në rast të fitimit të “Topit të Artë”.

Trofeu i fituar sezonin e fundit, ka bërë që tashmë kontrata të shkojë deri në vitin 2021. Në orët e ardhshme do të zyrtarizohet gjithçka, teksa futbollisti kroat pritet të kalojë një verë të qetë. /Koha Jone/