Reali për “faqe të zezë”, turpërohet edhe nga Betis (VIDEO)

Real Madrid mbyll sezonin në mënyrën më të keqe të mundshme. Skuadra e Zidane ka pësuar humbjen e tretë në katër ndeshjet e fundit, teksa Real Betis i ka befasuar në “Santiago Bernabeo” në shifrat 0-2.

Pas një pjesë të parë të zymtë, u spikati vetëm një shtyllë e Benzema, fraksioni i dytë do të sillte më shumë emocione. Në minutën e 61-të, Guardado del mjaft mirë në krahun e majtë, shërben për Loren në zonë, i cili e ka mëse të thjeshtë për ta dërguar topin në rrjetë.

Los Blancos është në gjumë total, ndërkohë që Betis vijon të dhurojë spektakël. Në minutën e 75-të, miqtë godasin me një tjetër kundërsulm. Këtë herë janë protagonist Junior me një super pasim në zonë për Jesen, i cili shtyn “sferën” në rrjetë. Duket e pabesueshme, por kjo ishte humbja e 12-të në kampionat për Realin gjatë këtij sezoni, diçka që nuk ka ndodhur kurrë në historinë e tyre. /R.Lika-Koha Jone/

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = ‘https://www.scorebat.com/embed/embed.js?v=m2to’; fjs.parentNode.insertBefore(js, fjs); }(document, ‘script’, ‘scorebat-jssdk’));