Reja me sytë nga Superiore, ndjekë nga stadiumi sfidën Tirana-Kastrioti

Në kryeqytet po luhet takimi mes Tiranës dhe Kastriotit në kuadër të javës së 34-t të Kategorisë Superiore. Bardheblutë kërkojnë të sigurojnë mbijetesën kundër krutanëve që po kalojnë moment të mirë.

I pranishëm në stadium është edhe trajneri i kombëtares sonë, Edy Reja. Teksa gjendet në Shqipëri, ai do të jetë edhe në stadiumin “Selman Stërmasi”, shoqëruar edhe nga Ervin Bulku, për të ndjekur sfidën mes Tiranës dhe Kastriotit.

Mbetet për t’u parë nëse Reja do të jetë më i shpeshtë në ndeshjet e kampionatit shqiptar si spektator, dhe nëse do të grumbullojë më shumë elementë nga kampionati shqiptar.