Rikthehet Bayerni i frikshëm, fitore me “poker” ndaj Hannover (VIDEO)

Bayern Munich ka rigjetur formën spektakolare në Bundesligë, duke rrëmbyer suksesin e tretë radhazi. Skuadra e Kovac mundi 4-0 në transfertë Hannover në një ndeshje që e dominoi nga minuta e parë deri në të fundit.

Bavarezve e ju deshën vetëm 1 minutë e 3 sekonda për të kaluar në avantazh me një super gol të Kimmich, i cili goditi në hyrje të zonës. Veprimin e tij e imitoi shoku i tij i skuadrës, David Alaba me një gjuajtje të fortë në minutën e 29-të, duke realizuar golin e dytë.

Në fillimin e pjesës së dytë Gnabry shënoi golin e tretë pas një këmbëngulje në zonë. Për të kompletuar pasditen perfekte duhej edhe një gol i Lewandowskit, i cili shënoi të 10-in në kampionat. Bayerni mban vendin e tretë me 30 pikë, 6 më pak se Dortmundi që luan në orën 18:30. /Koha Jone/