Ronaldinho i kushton mesazh emocionues Messit: Ishte kënaqësi të isha pjesë e historisë tënde!

Lionel Messi dhe Ronaldinho kanë ndarë një kapitull të veçantë në historinë e Barcelonës. Braziliani ishte një prej figurave që e shoqëroi argjentinasin në hapat e parë të karrierës së tij në ekipin katalanas, ndërsa vite më vonë Messi do të tejkalonte edhe arritjet e “mësuesit” të tij.

Pas ndeshjes së fundit të Messit me fanellën e Argjentinës, Ronaldinho zgjodhi rrjetet sociale për t’i kushtuar një mesazh emocionues ish-shokut të skuadrës.

“Çfarë kënaqësie dhe çfarë gëzimi që kam qenë pjesë e historisë tënde që nga dita e parë, vëlla. Na ke bërë të buzëqeshim dhe ta duam kaq shumë futbollin! Emri yt është gdhendur në historinë e vendit tënd dhe të gjithë botës. Vetëm ne e dimë gëzimin që kemi përjetuar kur realizuam ëndrrën e fëmijërisë, duke përfaqësuar të gjithë kombin tonë dhe duke u bërë kampionë bote”, shkroi ish-ylli brazilian.

Në fund, Ronaldinho theksoi sakrificën e Messit për kombëtaren dhe i dërgoi një mesazh personal për të ardhmen.

“Ke dhënë gjithçka për kombëtaren dhe vendin tënd. Të kuptoj plotësisht dhe e di se gjithçka që lidhet me familjen na bën të reflektojmë. Shijoje jetën, vëlla. Të uroj më të mirat, sot dhe gjithmonë”, përfundoi Ronaldinho.