Ronaldo, Modric dhe Salah sfidohen për çmimin e lojtarit më të mirë nga FIFA

Cristiano, Modric dhe Salah janë tre finalistët e çmimit të lojtarit më të mirë të FIFA-s. Futbollisti i Juventusit, Real Madridit dhe Liverpulit kanë tejkaluar listën e 10 më të mirëve, një listë që u publikua dy vite më parë. Mungesat e mëdha janë Lionel messi dhe Griezmann.

Cristiano do të mbrojë çmimin e fituar në dy sezonet e fundit. Pavarësisht se u eliminua shpejt në Kupën e Botëve, ai ishte golashënuesi më i mirë në Ligën e Kampionëve dhe fitoi sërish Champions League me Realin. Në ditët e fundit ka pasur shumë polemikat për dhënien e çmimit të lojtarit më të mirë të UEFA-s për Luka Modric. Ky i fundit ndërkohë është finalist edhe i çmimit “The Best”. Kroati shihet si favorit edhe për këtë çmim individual, ndërkohë që befasues është prezenca e Mohamed Salah në këtë listë, pasi ai nuk fitoi tituj dhe nuk kaloi as fazën e grupeve në Botëror me Egjiptin.

Mungesa e madhe është Leo Messi. Argjentinasi nuk ka munguar asnjëherë në listën e podiumit që nga viti 2007. Messi ka fituar pesë herë çmimin për lojtarin më të mirë të FIFA-s. Në dy sezonet e fundit ka qenë i dyti pas Cristiano Ronaldos.

Në kategoritë e ndryshme, finalistët janë:

PORTER: Courtois (Real Madrid), Lloris (Tottenham) dhe Schmeichel (Leicester).

PUSKAS (goli më i mirë): Bale, Cheryshev, Christodouloupoulos, De Arrascaeta, McGree, Messi, Pavard, Quaresma, Cristiano dhe Salah.

Trajneri më i mirë : Dalic (Kroaci), Deschamps (Francë) dhe Zidane (Real Madrid).

Trajnerja më e mirë femër : Pedros (Francë), Takakura (Japoni) dhe Wiegman (Holandë).

Futbollistja më e mirë: Hegerberg (Norvegji), Marozsan (Gjermani) dhe Marta (Brazil).

Futbollisti më i mirë: Cristiano (Real Madrid / Juventus), Modric (Real Madrid) dhe Salah (Liverpool)

/Koha Jonë/

Finalists: #TheBest FIFA Men's Player Award ?

?? @Cristiano
?? @lukamodric10
?? @MoSalah

#FIFAFootballAwards pic.twitter.com/L1ckRiZTv6

— FIFA.com (@FIFAcom) September 3, 2018