Rrëfimi i Tottit: Nedved ishte i papërmbajtshëm, doja ta godisja me grusht …

Francesco Totti zbulon detajet të reja nga autobiografia e tij. Ish-kapiteni i Romës ka sulmuar yllin e Juventus Pavel Nedved në autobiografinë e tij. Ai ka rikujtuar ndeshjen e Italisë në Kupën e Botës 2006 ndaj Republikës Çeke ku është përballur me Nedved.

“Atë ndeshje Nedved ishte i papërmbajtshëm, më dhemb ta them këtë gjë pasi nuk e duroja dot në fushë. Ai ishte një qaraman. Pak ta prekje fluturonte 10 metra. Të bënte ta godisje me grushte. Por ai ishte shumë i mirë.

Në atë ndeshje ishte akoma më mirë se zakonisht dhe Buffon duhet të bënte tre-katër pritje të nivelit të lartë për ta ndalur. Nuk e kam fshehur asnjëherë antipatinë që kam për të, gjithsesi, ai u soll shumë mirë kur u takuam gjatë shortit të Champions League në Monte Carlo”, ka rrëfyer Totti.