Rummenigge e konfirmon: Kemi vendosur cilët lojtarë do t’i blejmë

Siç duket skuadra gjermane Bayern Munich ka vendosur tashmë se cilët lojtarë t’i sjellë në “Allianz Arena” gjatë afatit kalimtar të verës.

Shefi ekzekutiv i Bajernit të Mynihut, Karl-Heinz Rummenigge ka konfirmuar se në bashkëpunim me Carlo Ancelottin kanë vendosur se cilin lojtar do të transferojnë në “Allianz Arena”.

“Tashmë veçse e kemi diskutuar politiken e transferimeve me Carlon dhe bordin dhe kemi vendosur se cilët lojtarë janë objektivi ynë. Sezonin e ardhshëm do ta kemi një ekip që është më shumë se në gjendje të sfidojë për tituj”, tha Rummenigge.

Bayern tashmë ka arritur marrëveshje me dy përfaqësues të kombëtares gjermane, Sebastian Rudy dhe Niklas Sule, të cilët u transferuan nga Hoffenheim.