Sadiku e mbyll pa gol sezonin në La Liga, vë duart në kokë në golin e shokut të tij (VIDEO)

Armando Sadiku më në fund ka luajtur si titullar në ekipin e Levantes, në humbjen ndaj Selta Vigos, e vlefshme për javën e fundit të La Ligas. Sfida përfundoi 4-2, ndërkohë që sulmuesi i Kombëtares humbi mundësinë që të shënonte gol në këtë sezon.

Pas 5 fitoresh radhazi skuadra nga Valencia nuk arriti të bënte rezistencë përballë Selta Vigos edhe pse kaloi e para në epërsi me një super gol të mesfushorit Rokina. Sadiku vuri duart në kokë, pas këtij golit të mrekullueshëm.

Gomez dhe Iago Aspas me një dygolësh përmbysën shifrat duke ia bërë më të thjeshtë Seltës që falë këtij suksesi u shkëput me 3 pikë nga Levante duke u ngjitur në kuotën e 49 pikëve.