Sarri: Chelsea nuk është për titull, nuk e kuptoj Hazard

Maurizio Sarri nuk beson se skuadra e tij është një ndër favoritet për të triumfuar në Premier League gjatë këtij sezoni. Ish-trajneri i Napolit, ka dhënë opinionin e tij për rivalët më të fortë këtë sezon.

“Ju e dini se si e mendoj. E kam thënë që në fillim se këtë sezon ka dy skuadra superiore ndaj gjithë të tjerave në Premier League. Edhe pse tashmë ka një shkëputje të Liverpoolit ndaj Cityt, jam i bindur se organika e Guardiolës do t’ia dalë sërish mbanë deri në fund. Në këtë mënyrë lufta për titull është qartësisht e kuptueshme se luhet mes Manchester City dhe Liverpoolit.

Hazard? Nuk Arrij ta kuptoj se cili është problemi me Hazard në rolin e ri që i kam caktuar. Ka shënuar tre gola dhe jam shumë i lumtur me punën që po bën. Sigurisht që nuk kam fuqinë e vendimmarrjes në vend të tij. Me Hazard mund të flas vetëm për çështje teknike, por sigurisht që duhet qartësuar e ardhmja nëse duam që të vijojmë ta programojmë atë dhe objektivat tanë”, tha Maurizio Sarri.