Sevija shkatërron Junajtid për 4 minuta, shënon dy gola të shpejtë (VIDEO)

Nuk kanë fund surprizat në Ligën e Kampionëve. Sevija ka kaluar në avantazh ndaj Mançester Junajtid në minutën e 74-t. Beni Eder sapo hyri në fushë në prekjen e dytë të topit, e ka dërguar në rrjetë, duke mposhtur portierin De Gea, me një goditje fantastike në hyrje të zonës.

Pas katër minutash është sërish sulmuesi i Sevijas, i cili ka shënuar edhe golin e dytë me një goditje me kokë, duke mos i dhënë asnjë mundësi reagimi portierit De Gea, i cili nuk mundi që ta nxirrte topin nga kuadrati me gjithë përpjekjet e tij.