Sezoni i mallkuar, mbrojtësi i Milanit dëmtohet sërish rëndë

Nuk kanë fund problemet me dëmtimet gjatë këtij sezoni te skuadra e Milanit. Mediat italiane shkruajnë se Mattia Caldara, i cili sapo ishte kthyer nga një dëmtim serioz, është larguar nga qendra stërvitore me paterica.

Futbollisti ka pasur një problem në gju gjatë seancës së sotme stërvitore. Koha e rikuperimit do të zbulohet pasi Caldara t’i nënshtrohet analizave mjekësore.

Këtë sezon ai ka qenë shumë pa fat, pasi është aktivizuar vetëm në dy ndeshje, me Dudelange më 20 shtator si dhe në gjysmëfinalen e kthimit ndaj Lazios në Kupën e Italisë.