Shënoi gol me vlerë Championsi, tifozët presin si hero Berat Gjimshitin

Atalanta po përjeton një sezon fantastik pasi ka siguruar finalen e Kupës së Italisë dhe është shumë panë kualifikimit për në Champions League.

Një meritë për këto suksese ka padyshim edhe mbrojtësi shqiptar, Berat Gjimshiti.

Futbollisti i kombëtares shqiptare po luan si titullar i padiskutueshëm, madje po shënon edhe gola, ku i fundit ishte ai i djeshmi në fitoren 1-3 kundër Lazios që i afron akoma më shumë me kualifikimin në Champions League.

Pas ndeshjes, skuadra u prit nga rreth një mijë përkrahës, kur u kthyen nga kryeqyteti.

Tifozët kanë qenë të ekzaltuar dhe kanë krijuar super atmosferë duke i treguar ekipin mbështetjen maksimale e veçançrisht Berat Gjimshitit i cili ishte edhe heroi i mbrëmjes me golin e tij.