Shkarkohet trajneri i Partizanit, shkak kriza e rezultateve

Shkarkohet trajneri i Partizanit Sulejman Starova. Drejtimin e skuadrës do ta marrë Klevis Dalipi. Arsyen e këtij shkarkimi klubi e ka bërë me dije në një status në rrejtin social facebook: ”Duke analizuar situatën aktuale dhe objektivat që ekipi synon për pjesën e mbetur të sezonit, drejtuesit e klubit kanë kërkuar dorëheqjen e Sulejman Starovës nga drejtimi i ekipit, vendim i cili është pranuar edhe nga traineri Starova. Në vijim të sezonit futbollistik drejtimin e skuadrës do ta marrë Klevis Dalipi. Një ndryshim i tillë është konsideruar i domosdoshëm nga drejtuesit në kuadër të strategjisë së rinovimit dhe për ti dhënë një impuls pozitiv lojës dhe rezultateve të skuadrës. Klubi falenderon trainerin Sulejman Starova për kontributin e dhënë gjatë këtyre viteve në klub dhe në drejtimin e skuadrës”,-thuhet në deklaratën e klubit.