“Shpërthen” ylli i kombëtares së shpresave, Panionios merr fitoren e parë

Panionios është kthyer te fitorja në Superligën greke, kjo edhe falë dopietës së sulmuesit të kombëtares shqiptare U-21, Florin Durmishaj.

21 vjeçari shënoi në minutat 37-të dhe 50-të në transfertën e Smyrnis, duke vulosur rezultatin përfundimtar në 2-0.

Kjo është fitorja e parë që Panionios merr në këtë sezon të kampionatit, dhe hedh pas krahëve 3 disfatat në javët e fundit. Pas javës së 5-të Panionios gjendet në vendin e 12-të në kuotën e 4 pikëve, ndërkohë që Smyrnis nuk e ka shijuar ende pikën e parë në këtë sezon.