Shqipëria debuton me humbje në Europianin e Minifutbollit, mundet nga  Kazakistani

Shqipëria ka debutuar me humbje në Europianin e Minifutbollit që po mbahet në Kiev të Ukrainës. Kombëtarja jonë është mposhtur nga Kazakistani me rezultatin minimal 1-0.

Goli i fitores për kazakët është shënuar nga Adreselov. Gjithsesi vlen për t’u përmendur se ka qenë një lojë e mirë e kuqezinjve, përballë një Kazakistani që është në vend të katërt në Europë.

Të udhëhequr nga kapiteni Hysenbelliu, lojtarët e Kombëtares shqiptare patën raste të pastra për gol me Shimën dhe Dushkun, por ishin të pafat, pasi portieri kazak neutralizoi gjithçka.