Shqipëria vuan për sulmues, Cikalleshi shënon gol spektakolar në Turqi (VIDEO)

Cikalleshi është rikthyer që të jetë protagonist në Turqi, në ditën që shokët e tij luanin sfidën ndaj Izraelit, dhe ku u mundën 0-2.

Sulmuesi i ekipit të Goztepes, ka lënë gjurmë në takimin miqësor që skuadra e tij ka zhvilluar ndaj Altinordu, e përfunduar me rezultatin 1-1. Në minutën e 71-të të takimit, pas një topi të marrë nga mesfusha, sulmuesi shqiptar ka shmangur mbrojtësit kundërshtarë, madje edhe portierin, për të gjetur rrjetën.

Një gol që tregon se bomberi kavajas është në rrugën e duhur për të gjetur formën e tij më të mirë, teksa Panucci duhet të fillojë që ta ndjekë më nga pranë.