Siti “blindon” Guardiolën, i zgjat kontratën deri në vitin 2021

Mançester Siti nuk ka ndërmend që të heq dorë nga Pep Guardiola. Me një titull kampion të rikthyer, por mbi të gjitha me rekordin e 100 pikëve, spanjolli ka marrë edhe bekimin e sheikëve të klubit për të zgjatur kontratën deri në vitin 2021, duke plotësuar në këtë mënyrë një cikël 5 vjeçar.

Pep ka firmosur zyrtarisht kontratën e re që e mban në radhët e City deri në vitin 2021, që ashtu siç bëri te Barcelona, por edhe te Bajerni për të plotësuar ciklin 5 vjeçar.

“Jam shumë i lumtur dhe entuziazmuar që punoj këtu. Kënaqem shumë të stërvit këta futbollistë dhe të bëj edhe më mirë në vitet që do të vijnë. Si menaxher i një skuadre, e rëndësishme është që të ndihesh mirë brenda grupit dhe unë ndihem shumë mirë. Çdo ditë punojmë për t’u përmirësuar dhe do të vijojmë në këtë drejtim, duke u përmirësuar në fushë dhe duke ndihmuar futbollistët tanë të rriten”, deklaroi në konferencën për shtyp Guardiola.