S’ka marrëdhënie të mira me Allegrin, Cancelo drejt largimit në Premier League

Sezoni i Joao Cancelos te Juventus nuk ishte në lartësinë e duhur dhe krahas kësaj raportet e portugezit me Allegrin nuk janë të mira, duke e bërë që të mendojë largimin që në verë.

Agjenti i tij i famshëm, Jorge Mendes ka nisur bisedimet e para me Manchester United për një transferim te “Djajtë e Kuq” të cilët kanë nevojë për një mbrojtës krahu me eksperiencën e Cancelos.

Një operacion i tillë nuk do të jetë i lehtë pasi bardhezinjtë shpenzuan 40 milionë euro për ta blerë në verë dhe vetëm një ofertë mbi 50 milionë euro mund të bindë Agnellin të privohet nga Cancelo.

Krahas tij edhe Dybala mund të largohet nga bardhezinjtë, pasi gjithashtu nuk ka marrëdhënie të mira me trajanerin Allegri, teksa loja e tij e drejtuar më shumë nga mbrojtja po kthehet në problem për disa fubollistë.