Skandal në Angli, klubi i njohur është financuar nga familja Bin Laden

Një skandal ka pushtuar futbollin anglez së fundi. Bëhet fjalë për klubin e Sheffield United që para pak kohësh siguroi ngjitjen në Premier Ligë.

Gjatë një gjyqi mes bashkëpronarëve të klubit Kevin McCabe dhe Princit Abdullah Bin Mosad Bin Abdolaziz Al Saud, të cilët zotërojnë të dy nga 50 % të aksioneve të skuadrës është zbuluar se një financim prej 3 milionë eurosh ka ardhur nga familja e Osama Bin Laden, një nga terroristët më të tmerrshëm në historinë e njerëzimit.

Ditën e enjte, avokati Andreas Gledhill, i cili po udhëhiqte ekipin ligjor të Abdullahut tha se McCabe e dinte shumë mirë nga vinin paratë e investuara.