Skena lufte në futbollin gjerman, huliganët futen në fushë dhe sulmojnë tifozët kundërshtarë (Video)

Një episod i pakëndshëm ka ndodhur mbrëmë në kategorinë e dytë të kampionatit gjerman në sfidën Holstein Kiel – St. Pauli.

Një grup tifozësh ultras të skuadrës së Kiel-it, të cilët mund të përkufizohen edhe si huliganë, zbritën në fushën e lojës për të hedhur flakadanë në drejtim të tifozerisë së St. Paulit, duke krijuar një situatë shumë të tensionuar.

Një kaos i vërtetë që rrallë herë mund të shihet në një ndeshje futbolli dhe në një shtet si Gjermania e cila shquhet për rregullat e forta. Federata e Futbollit pritet të marrë masa ndëshkuese për skuadrën vendase e cila është përgjegjëse për incidentin e shkaktuar.

Ata që ndërhynë në mes të këtij kaosi ishin vet futbollistët e St.Paulit, ndërkohë që erdhi edhe ndihma e policisë, e cila raportoi për shumë persona të arrestuar për këtë ngjarje.