Skënderbeu fiton trofeun e Supërkupës së Shqipërisë, mund Laçin

Skënderbeu është fituesi i Superkupës së Shqipërisë për vitin 2018. Skuadra korçare ka ngritur trofeun e parë sezonal, pasi ka mundur në finalen e madhe skuadrën e Laçit, me rezultatin 3-2. Bardhekuqtë kanë triumfuar ndaj kurbinasve, falë një përmbysje vendimtare, me plot 5 gola në 45’ minutat e dyta të ndeshjes.

Skuadra e Laçit ajo që kaloi e para në avantazh, kur në minutën e 48’, Lushkja ka zhbllokuar rezultatin për t’i dhënë epërsinë bardhezinjve. Një avantazh që ka zgjatur vetëm 6 minuta, pasi në të 54-t, Aliti ka barazuar shifrat për Skënderbeun.

Bardhekuqtë kanë përmbysur rezultatin në të 68-n, kur Muzaka kthehu në gol një 11-metërsh të akorduar në favor të korçarëve, ndërsa në të 71-ën Bregu thellon avantazhin e Skënderbeut në 3-1. Xhixha rihap ndeshjen 6 minuta nga fundi, por pa mundur që të arrijnë barazimin.