Skënderbeu rrezikon dënimin e dytë, në vitin 2016 u përjashtua për një vit

Këshilli i arbitrazhit sportiv më 6 korrik 2016, ka dënuar skuadrën e Skënderbeut për një 1 vit jashtë kompeticioneve Europiane. Gjykata e Arbitrazhit Sportiv në Lozanë hodhi poshtë ankesën e korçarëve, kundër dënimit të dhënë nga Komisioni i Disiplinës së UEFA-s dhe të konfirmuar nga Komisioni i Apelit më 1 Qershor, në të cilin Skënderbeu deklarohej i papërshtatshëm për të marrë pjesë në turnetë ndërkombëtare, pas hetimit për trukime.

Paneli i CAS-it hodhi poshtë ankesën dhe konfirmoi vendimin e UEFA-s, më 1 Qershor 2016″, theksohej në vendimin e publikuar nga Gjykata e Arbitrazhit Sportiv. Skënderbeu u bë klubi i parë shqiptar, që u penalizuar nga UEFA pas dyshimeve për trukime, ndërsa me përjashtimin e kampionëve të Shqipërisë, Ferencvaros-i kualifikohet në turin e tretë eliminator të Champions pa qenë nevoja të luajë.