Skuadra ideale me futbollistët më të shtrenjtë në Seria A

Seria A, edhe falë kalimit të Cristiano Ronaldo tek Juventus, ka gjetur përsëri atë shkëlqim që e kishte humbur prej kohësh. Jo shumë për shkak të luftës së ndezur për titull, teksa bardhezinjtë duket se do të fitojnë titullin e radhës, por për kampionët e shumtë që zbresin në fushë çdo të diel.

Nga CR7 te Icardi, Insigne, Milinkovic–Savic e Donnarumma. Yje që kërkohen nga gjysma e Europës, por që vazhdojnë të ndriçojnë  kategorinë kryesore të futbollit italian. Një seri kampionësh absolutë, të cilët bëjnë të dridhen kundërshtarët e tyre. Kur mbeten edhe dy javë nga fundi i fazës së parë, më poshtë ju sjellim futbollistët më të kushtueshëm në kampionatin italian sipas “transfermarkt”.