Solskajer shpërthen: Disa lojtarë kanë veshur për herë të fundit fanellën e Man United

Manchester United nuk ka më asnjë shans që të luajë sezonin e ardhshëm në Champions League pas barazimit ndaj Huddersfield. Trajneri Ole Gunnar Solskjaer është shfaqur i zhgënjyer me paraqitjen e skuadrës së tij, duke paralajmëruar shumë largime.

“Nuk ishim në nivelin e duhur për 90 minuta, kemi humbur disa raste që duhet t’i kishim shënuar.  Kur shkon në këto stadiumi, plot me energji, e dinim që po t’i jepnim mundësinë kundërshtarit do ta shfrytëzonte dhe fatkeqësisht kështu ndodhi.

Zgjodhëm opsione të vështira. Jemi në vend të gjashtë për një arsye. Gjatë sezonit nuk kemi treguar nivelin e duhur për të konkurruar për një vend në Champions League.  Disa lojtarë kanë veshur për herë të fundit fanellën e Man United. Nuk është surprizë, por shpresonim të bënim një paraqitje më të mirë sot”, deklaroi strategu norvegjez.