Spektakël me gola në Juventus-Atalanta, bardhezinjtë luajnë mirë por nuk fitojnë (VIDEO)

Pas dënimit me 15 pikë, Juventus merr një tjetër goditje të rëndë. Bardhezinjtë nuk mundën të shkonin më shumë se një barazim spektakolar 3-3 ndaj Atalantës.

Ekipi i Allegrit zhvilloi një ndeshje shumë të mirë nga pikëpamja e ritmit, krejt ndryshe nga ndeshjet e fundit. Portieri Szczesny gaboi rëndë në minutën e 5-të, duke i dhënë golin e avantazhit Lookman.

Juventus reagoi mjaft mirë duke përmbysur gjithçka që në pjesën e parë me Di Maria dhe Milik. Fillimi i pjesës së dytë ishte një makth për bardhezinjtë që pësojnë dy gola të shpejt nga Maehle dhe Lookman.

Më pas Danilo do të barazonte shifrat në minutën e 65-të me një goditje të fortë në hyrje të zonës. Edhe pse tentuan në disa raste të gjenin avantazhin, Juventusi nuk shkoi përtej një pike. Bardhezinjtë mbeten në vendin e 9-të me 23 pikë. /R.Lika-Koha Jonë/