Sterling propozon një dënim ekstrem për koret raciste në stadiume

Raheem Sterling është padyshim në rreshtin e parë për të patur një ndëshkim sa më të ashpër për racizmin në futboll. Sulmuesi i Anglisë dhe i Manchester City-it shpesh herë është bërë pre e sulmeve nga tifozëve, teksa kërkon që të rriten masat parandaluese ndaj këtij fenomeni.

“Nuk mendoj se largimi nga fusha do ishte zgjedhja e duhur. Dënimet duhet të jenë më të ashpra dhe gjobat nuk i dëmtojnë fare klubet e pasura apo federatat. Për këtë arsye, do bëja thirrje për 9 pikë minus në renditje, në rast abuzimi racist në stadium.

Duket një masë e tepruar, por cili tifoz do sillej si racist, nëse më pas skuadra e tij do binte nga kategoria, apo do dilte nga gara për titull? Përveç kësaj, klubi fajtor duhet të luajë 3 ndeshje pa tifozë, në mënyrë që të humbasë të ardhurat nga bileta”, deklaroi Sterling për “The Times”.