Strakosha në formacionin e javës në Europa League nga “France Football”

Thomas Strakosha gjithnjë e më shumë vendimtar te skuadra e Lazios. Në sfidën kundër Olimpikut të Marsejës, dy pritje shpëtimtare të portierit shqiptar, i dhanë tre pikë Lazios.

Për këtë arsye shtatlarti i portës kuqezi dhe asaj të Lazios, ka marrë vlerësime të mëdha  në mediat italiane. Por jo vetëm. I fundit vlerësim mëse i merituar, vjen nga Franca.

Është prestigjiozja “France Football”, që e ka përzgjedhur Thomas Strakoshën në formacionin e javës në UEFA Europa League. “Thomas Strakosha kontribuoi shumë duke kryer dy mrekulli: në fillim (në minutën e 6-të, Strakosha devijoi një goditje të Sakai) dhe në fund të ndeshjes (në 90+1, ai tregoi veten duke devijuar një goditje të Njie e devijuar nga Marusiç)”-shkruan gazeta franceze.