Strakosha pa limite: Shpresoj të mbetemi në zonën Champions!

Thomas Strakosha po kalon një sezon fantastik te skuadra e Lacios, teksa nuk e fsheh dëshiron që në sezonin e ardhshëm skuadra e tij të luajë në UEFA Champions League. Bardhekaltrit për momentin renditen në vendin e tretë të Serie A, por pas dy humbjeve të fundit, ata rrezikojnë që ta humbasin këtë pozicion.

Portieri i kombëtares sonë ka qenë i pranishëm në një event të klubit të tij, teksa ka dhënë dhe një deklaratë të shkurtër. “Për shpërthimin tim merita kryesore është e përgatitësit tim Grigioni. Skuadra po punon mirë. Jemi në tre vendet e para. Shpresoj ta mbyllim kampionatin në zonën Champions, për të marrë nga ky sezon atë që na takon”, ka thënë 22-vjeçari shqiptar gjatë një ceremonie në Latina.

Strakosha gjatë këtij sezoni mes Europës, Kupës dhe kampionatit numëron 23 ndeshje si titullar. /Koha Jonë/