Sulmuesi i Interit përfshihet në aksident rrugor, plagos një grua me biçikletë

Sulmuesi i Interit, Lautaro Martinez është përfshirë në një aksident pasditen e sotme në Milano, gjatë kohës që ishte në drejtim të makinës së tij Porsche Boxter.

Ka qenë një aksident pa pasoja për Lautaro-n, por një grua 37-vjeçare, e cila ishte me biçikletë, ka mbetur e plagosur. Ajo është dërguar menjëherë në spitalin “Fatebenefratelli”.

Policia po heton dinamikën e ngjarjes, teksa do të merret në pyetje edhe sulmuesi zikaltër për të dëshmuar për ngjarjen.