Super Hakimi, i jep fitoren PSG-së në “frymën e fundit” ndaj Metz (VIDEO)

Pa Lionel Messin të dëmtuar, PSG vuajti shumë në transfertën ndaj Metz duke fituar vetëm në minutën e 95-të, 2-1 falë një goli shumë të bukur të Achraf Hakimit.

Mbrojtësi i krahut të djathtë ishte ai që gjithashtu hapi serinë e golave në minutën e 5-të, por Metz barazoi me Kouyate në minutën e 39-të. Goli i fitores 1-2 në shtesë përtej shtesës erdhi sërish nga Hakimi që kompletoi mbrëmjen e tij fantastike me një dygolësh duke udhëhequr PSG-në drejt fitores së 7-të radhazi në këtë kampionat, në po kaq takime.

Parisienët me këtë fitore i shkëputën më shumë në krye nga ndjekësit më të afërt pasi Marseille barazoi pa gola në transfertën ndaj Angers.