“Telenovela” Memushaj drejt fundit, mesfushori do të mbetet sërish në Itali

Ledian Memushaj vazhdon të mbetet një ndër emrat më të përfolur në merkaton e Seria A. Mesfushori i kombëtares sonë, sipas gazetës së njohur në Itali “La Gazzeta dello Sport” është në listën e futbollistëve që do të largohen nga skuadra e Benventos, pavarësisht se në dy ndeshjet e fundit ka qenë një ndër më të mirët në fushën e lojës.

Mediat italiane shkruajnë se në orët e fundit skuadra e Kremonezes është në avantazh për të siguruar shërbimet e tij, duke parakaluar Barin, ekipin tjetër të Seria B që ka shfaqur më shumë interes.

Kujtojmë që Kremoneze mban vendine  6 në renditjen e këtij sezoni në kategorinë e dytë në Itali, dhe synon që të ngjitet në elitën e futbollit italian. /Koha Jonë/