Tifozët e Interit dalin kundër Icardit: Përpara me interistët, Mauro ik!

Luciano Spalletti e grumbulloi për ndeshjen ndaj Geonas dhe e konfirmoi që do të luajë titullar madje këtë herë bëri prapakthehu duke zhvlerësuar deklaratat e tij të dy ditëve më parë dhe duke u shprehur se Mauro Icardi vlen edhe më shumë se Messi e Ronaldo nëse luan i bashkuar me skuadrën, ndërsa i vetëm nuk vlen pothuajse fare.

Rikthimi i Icardit nuk do të jetë i lehtë pasi tifozët ultras zikaltër ata që e ndjekin skuadrën edhe në ndeshjet në transfertë siç do të jetë edhe sfida e Marassit ndaj Genoas pritet ta kontestojnë madje Curva Nord ka dalë me një komunikatë zyrtare ku i bën thirrje klubit ta largojë njëherë e përgjithmonë sulmuesin argjentinas nga skuadra pasi sjellja e tij gjatë kësaj periudhe ka qenë e patolerueshme.

Tifozët e Interit asnjëherë nuk e kanë dashur numrin  9 dhe raportet herë pas herë mes Icardit dhe Curva Nord ka qenë të tensionuara por këtë kanë shkuar në pikën zero.