Tifozët e Lazios nuk e presin mirë këngën e Hysajt, ja arsyeja … (VIDEO)

Elseid Hysaj ka kryer ritnin e prezantimit para shokëve të skuadrës te Lazio. Mbrojtësi shqiptar që erdhi nga Napoli, ka zgjedhur një këngë të njohur si “Bella Ciao”, e bërë e famshme edhe nga seriali “La Casa de Papel” por që në fakt ka shkaktuar polemika.

Kjo këngë në Itali përfaqëson një frymë partizane dhe në anët e Lazios që njihet si zonë e ekstremit të djathtë, kjo këngë nuk mund të këndohet. Sigurisht që Hysaj nuk ka aspak ide për gjëra të tilla politike dhe e ka zgjedhur për famën e saj dhe në videon e publikuar nga Luis Alberto ka shumë tifozë të Lazios që e kanë kontestuar në komente.

“Më mirë të këndoje himnin e Romës, këtu nuk je në Livorno” ishin komentet ndërsa ka dhe nga ata që pohonin se është vetëm një këngë dhe nuk ka aspak punë politika në raste të tilla.

Elseid #Hysaj che si presenta ai tifosi della Lazio cantando Bella Ciao è la gaffe più rivoluzionaria della storia, rompe tutti i tabù. Ora posso finalmente partecipare a una manifestazione di Casa Pound vestito da derviscio rotante cantando l’Internazionale. pic.twitter.com/KKkzAiC6WW

— Fabio Salamida (@SalamidaFabio) July 18, 2021